早上食完简单既包早餐，7点半我地就被一部旅行车接去石林。我地系一个散拼团，大家从唔同既渠道报名，集中到一个团。导游系一个姓李既女性，距系彝族人，话昆明彝族人多，而且多数姓李。彝族人都系女尊男卑，一个母系氏族为主，如果一个男人长得肥胖，就值钱。一来意思系E个男人家境好，够食物，才长得肥胖，而来壮实既男人可以做到好多农活。加上电影“阿诗玛”讲既系彝族既男欢女爱既故事，因此，导游话所有男团员都叫“阿黑哥”，女团员都叫“阿诗玛”。讲到石林，就话郭沫若曾经来过石林，写左一首诗：“远看大石头，近看石头大；上山看石头，还是石头大。”导游话来到石林，到处石头都一样，只拍三照概括全：就是大石林一张相，小石林一张相，阿诗玛一张相就搞掂。就算多影相都系一样。
随后我地需要跟导游上山睇石林全景。都系一条窄窄既石头路，有“一线天”、又有“诚实石”，就系如果唔“诚实”既人路过的话，悬系半空既石头会碌落来。不过ED石头奇怪既造型，其实系数年前地震，把石林一部分石头震落来，有D刚好卡系两座石山之间而已。上到山顶平台，想靠边影一张俯瞰图都要排队。而中国人特别唔中意守规矩，时间又有限，所以又见眼前豁然开阔。一个优雅既小湖上面有着小块既石林，有D甚至系湖中，露出一半身影。比起嶙峋既大石林的确好睇。
此时导游又叫我地玩“寻找游戏”，叫我们顺住一条小路到另外一边，睇睇是否能搵到“阿诗玛”。“阿诗玛”就系一个当地传说既“望夫石”。原来系一个曲折既爱情悲剧，讲一对有情人终不成眷属。而痴情女阿诗玛最后成左一块“望夫石”！
石林公园既绿化让我依依不舍，因为跟团旅游，此终都系赶鸭团，省下既时间就系带我地购物。午饭后导游讲左两年前既昆明爆炸案，讲左云南好贫穷，但系用平团费吸引游客从全国各地来，就系为左扶贫。如何扶贫？就系要游客购物，其中就话云南既玉器好有名，而产自缅甸既翡翠都系云南加工再流出其他地方。当年中国既周总理以密支那——最大既玉石矿产地换鱼米之乡西双版纳。导游仲好详细讲左手带玉镯可以保护心脏；有两小朋友一起爬到飞机行李舱，之后发现飞机起飞一起跳落地面，一个粉身碎骨，一个带一个玉佛，结果带玉佛那个只系小伤。但我个人所知道，加工得最好既系广东既揭阳、平洲等地。个导游为左卖广告，自己左手带个玉镯，右手带银镯，心口仲有个玉牌。真系武装到牙齿。
我地去到翡翠购物店虽然都大，比起广州华林寺一带几层楼高仲系有距离。导游话而家系淡季，加上下午少人来，因此有一对一服务。所谓一对一就系有条跟尾狗随时介绍货比你，如果你买过了，E条跟尾狗就会消失。不过咁样睇野好唔舒服，好似有人监视咁。柜台所有货品都系白嘥嘥，实滴滴，无色又无通透，仲卖个天价。结果，好多团友都唔上当。之后转去一个大私人老板开既大型综合购物商场”七彩云南“，有多个购物馆。导游主推银器馆。去之前先讲个故事：就系云南系最大既有色金属矿，银矿就系中国最大，炼出来既也是最纯既”雪花银“，因为纯，所以颜色一般都系像雪花一样白色。云南又系少数民族众多既地方，好多地方都系穷乡僻壤，医院远，所以靠平时用银器发出既银离子杀菌消毒，以防日常疾病。
由于我地晚上就要坐火车去大理，所以系我地食饭时，同样系导游既导游丈夫已经将我地既火车票送来，因此我地食完晚餐就直接去火车站等火车。同去大理既好多团友，但基本都唔同一班火车。而我地既火车系最迟既，所以到大理后我地无需等太长时间就可以游大理喇。
